Om korpset
Sagvåg skulekorps held til på Stord og er eit aktivt og tradisjonsrikt korps. Me har fokus på eit godt og inkluderande musikalsk miljø der samhald, meistring og speleglede står i sentrum. I løpet av sesongen plar korpset ha ulike lokale konsertprosjekt, delta på 2-3 konkurransar, ha 3-4 helgeseminar i tillegg til faste fellesøvingar onsdag og gruppeøvingar måndag. Korpset har dei siste åra hatt ein stabil besetning på om lag 20 musikantar i alderen 9 til 18 år. I tillegg har me aspirantopplæring.
Om jobben
Sentrale arbeidsoppgåver
- Leia og gjennomføra fellesøvingar med korpset, onsdagar 17.00 – 19.00 på Nysæter ungdomsskule. Det er og ynskjeleg at dirigenten gjennomfører gruppeøvingar måndagar ettermiddag/kveld, om søkjar har høve til dette
- Planleggja og gjennomføra konsertar, seminar og deltaking på konkurransar i samarbeid med styret
- Tilpassa repertoar og notemateriell til besetning og nivå i korpset
- Skapa engasjement og eit trygt, inkluderande læringsmiljø for musikantane
Kvalifikasjonar og eigenskapar
- Musikalsk kompetanse og erfaring frå korps og dirigering/instruksjon
- Trygg og tydeleg dirigent som ynskjer å byggja fellesskap og utvikla korpset
- Erfaring med å jobbe med barn og ungdom
- Inspirerande, tolmodig og strukturert
- Gode formidlingsevner
- God kommunikasjon med styret og føresette
Me tilbyr
- Engasjerte og kjekke musikantar som er vant med å jobba målretta
- Eit godt etablert styre og ei støttande foreldregruppe
- Moglegheit til å utvikla idear og prosjekt i samarbeid med styret
- Øvingslokale med bra akustikk. Oppdatert instrumentpark og rikhaldig notearkiv.
- Honorar og arbeidsvilkår etter avtale. Det er ein føresetnad at oppdraget vert fakturert frå eige firma
Søknadsfrist: 15.01.2027
Tiltreding: August 2027
Send søknad og CV til: sagvagskulekorps@outlook.com
Gyldig politiattest må leggjast fram før tiltreding.
Har du spørsmål om stillinga?
Ta kontakt med styreleiar Hanne Flatøy 9719704